ကွာရှင်းပြတ်စဲခြင်းနှင့် ပစ္စည်းခွဲဝေခြင်းဆိုင်ရာ သိမှတ်ဖွယ်

လက်ထပ်ထိမ်းမြားခြင်း၊ကွာရှင်းခြင်းနှင့် ပစ္စည်းခွဲဝေခြင်းအကြောင်း… အပိုင်း(၃)

 မြန်မာ ဗုဒ္ဓဘာသာ လင်မယားတို့သည် ပစ္စည်းခန်း၌ အတူပိုင်ဆိုင်သူများဖြစ်ကြသော်လည်း လင်ခန်း၊ မယားခန်း မပြတ်စဲဘဲ တည်မြဲနေစဉ်ကာလအတွင်း လင်ကဖြစ်စေ၊မယားကဖြစ်စေ ပစ္စည်းခွဲဝေပေးစေလိုမှု မစွဲဆိုနိုင်ပါ။

ထို့​ကြောင့် မြန်မာဗုဒ္ဓဘာသာဝင် လင်နှင့်မယားတို့သည် မောင်နှံပိုင်ပစ္စည်းကို အတူပိုင်ဆိုင်သူများ ဖြစ်၍ နှစ်ဦးပိုင် ပစ္စည်းများကို နှစ်ဦးသဘောတူညီချက် ရလျှင် လွှဲပြောင်း၊ ရောင်းချ၊ပေါင်နှံ ၊ပေးကမ်းခြင်းများ ပြုလုပ်နိုင်သော်လည်း လင်ဖြစ်စေ၊ မယားဖြစ်စေ တစ်ဦးဦး၏ သဘောတူညီမှု မရလျှင် နှစ်ဦးပိုင် ပစ္စည်းကို ရောင်းချ၊ ပေါင်နှံ ၊ လွှဲပြောင်းခွင့် မရှိပါ။သို့ရာတွင် လင်မယားနှစ်ဦးပိုင် ပစ္စည်းမှ မိမိ၏ အကျိုးခံစားခွင့်ကို ပြုလိုရာ ပြုခွင့်ရှိ ကြောင်း နှင့် သဘောတူညီချက် ဆန္ဒကို အထင်အရှား မဟုတ် သော်လည်း အဓိပ္ပါယ် သက်ရောက်သည့် သဘောတူ ညီချက် ရရှိလျှင်ကား နှစ်ဦးပိုင်ပစ္စည်းကို လွှဲပြောင်း ရောင်းချခွင့်ရှိကြောင်း ၁၉၅၃ ၊ မတစ ၊လွှတ်တော် ၃၂၂၊ မအုန်းကြည်နှင့် ဒေါ်နှင်းနွယ် အမှုတွင် စီရင် ထုံးဖွဲ့ထားသည်ကို တွေ့ရှိရပါသည်။

အဆိုပါစီရင်ထုံးအား အင်အေဗွီအာ ချစ်တီး ကုန်တိုက် နှင့် မောင်သံဒိုင် စီရင်ထုံးဖြင့် ​ပယ်ဖျက်ခဲ့ပြီး လင်နှင့် မယား နှစ်ဦးပိုင်ပစ္စည်းကို လင်ဖြစ်စေ၊မယား ဖြစ်စေ တစ်ဦး၏ သဘောတူညီမှု မရရှိဘဲ လွှဲပြောင်း၊ ရောင်းချ၊ ပေးကမ်းလျှင် စာချုပ်တစ်ခုလုံး ပျက်ပြယ် ခြင်းမရှိ ၊ လွှဲပြောင်းသည့်ပစ္စည်းတွင် လွှဲပြောင်းသူ၏ အကျိုးခံစားခွင့် ရှိသည့်အစု အတွက်သာ အတည် ဖြစ်ပြီး သဘောမတူသူ၏ ပိုင်ဆိုင်ခွင့် အတွက်မူ အတည်မဖြစ် ဟူ၍ ဆုံးဖြတ်ခဲ့သည်ကို တွေ့ရသည်။

အစ္စလာမ် တရားဥပဒေအရမူ အမျိုးသမီးတစ်ယောက် သည် အိမ်ထောင်ပြုပြီးသူဖြစ်စေ ၊ အိမ်ထောင်မပြုရ သေးသူ ဖြစ်စေ၊ အမျိုးသားတစ်ယောက် နှင့် အခြား ပစ္စည်း ပိုင်ဆိုင်ခွင့် အပြည့်အဝရှိသည်။သူမပိုင်ဆိုင် သောပစ္စည်းကိုလည်းအိမ်ထောင်ပြုပြီးသူ ဖြစ်စေကာမူ ၎င်း၏ သဘောဆန္ဒအတိုင်း လွတ်လပ် စွာ ရောင်းချ၊ ငှားရမ်း၊ပေးကမ်း လွှဲပြောင်းခြင်းကို ပြုလုပ်ခွင့် ရှိသည်။ ထိမ်းမြားသည့် အခါက အမျိုးသားက အမျိုးသမီးကို ခန်းဝင်ပစ္စည်းအဖြစ် “မဟာရ်” မည်ရွေ့ မည်မျှ ပေးမည်ဟူသောပဋိညာဉ် စည်းကမ်းချက်အရ လင်ဖြစ်သူက မယားအား မဟာရ်အဖြစ်ပေးလိုက်သော ပစ္စည်းတွင်လည်း မယားတစ်ဦးတည်းအပိုင် ဖြစ်ပြီး ထိုပစ္စည်းအပေါ်တွင်လည်း ၎င်းသဘောဆန္ဒအတိုင်းစီမံ နိုင်သည်။

မွတ်စလင်အမျိုးသားနှင့် အမျိုးသမီးတို့သည် ထိမ်းမြားလက်ထပ် လိုက်ကြသည့် တိုင်အောင် မိမိတို့၏ မူလလွတ်လပ်သော ဥပဒေရေးရာအရ လွတ်လပ်စွာ ပဋိညာဉ် ပြုနိုင်သော အခွင့်အရေးများ ရှိကြသည်။

ခရစ်ယာန် အမျိုးသားနှင့် အမျိုးသမီးတို့သည်လည်း လက်ထပ်လိုက်ကြသည့်တိုင်အောင် မိမိတို့၏ မူလလွတ်လပ်သော ဥပဒေရေးရာ အခြေအနေမှာ တစ်စုံတစ်ရာ ပြောင်းလဲသွားခြင်း မရှိပါ။အမျိုးသမီး သည် အိမ်ထောင်ပြုပြီးသူ ဖြစ်စေကာမူ သူမပိုင်ဆိုင် သော ပစ္စည်းကို သူမ၏သဘောဆန္ဒအတိုင်း လွတ်လပ်စွာ ရောင်း၊ ပေါင်၊ ငှားရမ်း ၊ပေးကမ်းခြင်း ပြုကာ လွှဲပြောင်း နိုင်သည်။ထို့ပြင် ထိမ်းမြားလက်ထပ် သည့် အမျိုးသမီးများ၏ ပစ္စည်းများအက်ဥပဒေနှင့် အညီ မယားဖြစ်သူသည် ၎င်းကိုယ်တိုင် လုပ်ကိုင်သည့် မည်သည့် အလုပ်အကိုင်၊အသက်မွေးဝမ်းကျောင်း သို့မဟုတ် ကုန်သွယ် လုပ်ငန်းမှ ရရှိသော လစာနှင့် ဝင်ငွေတို့သည် သူမ၏သီးခြားပစ္စည်းများအဖြစ် အကျိုးခံစားခွင့်ရှိသည်။

ဟိန္ဒူ ဓလေ့ထုံတမ်းဥပဒေ၏ထူးခြားချက်မှာ ပစ္စည်းပိုင်ဆိုင်ခွင့်နှင့် စပ်လျဉ်း၍ မိသားစု ပူးတွဲ ပိုင်တိုင်သည့် စနစ်ဖြစ်သည်။ပူးတွဲပိုင်ပစ္စည်းများ တွင် ယေဘုယျအားဖြင့် သားယောက်ျားများက အဆင့်ဆင့် အမွေဆက်ခံလာသော ဘိုးဘေးပိုင် ပစ္စည်းများနှင့် ယင်းပစ္စည်းများ၏ ကူညီပံ့ပိုးမှုဖြင့် ရရှိသော ပစ္စည်း များ ပါဝင်ကြောင်း တွေ့ရသည်။

ဓမ္မသတ်များတွင် လင်နှင့်မယား ကွာရှင်းပြတ်စဲသည့် အမျိုးအစားကို စိတ်တူကွာခြင်း ၊ အပြစ်နှင့်ကွာခြင်း နှင့် အပြစ်မဲ့တဖက်သတ်ကွာခြင်း ဟု ခွဲခြားထားပြီး အိမ်ထောင်ဖက်အမျိုးအစားအလိုက် မည်သို့ကွာက မည်သို့ခွဲဝေယူရမည် ဖြစ်ကြောင်း သတ်မှတ်ထား သည်။အိမ်ထောင်ဖက်အမျိုးအစားတွင်….

၁။ငယ်လင်ငယ်မယား

၂။အိမ်ထောင်ကြီးလင်မယား

၃။အိမ်ထောင်ကြီးနှင့် အပျို သို့မဟုတ် လူပျို လင်မယား ဟူ၍

သုံးမျိုးရှိသော်လည်း အိမ်ထောင်ကြီးနှင့် အပျို သိုိ့မဟုတ် လူပျိုလင်မယားကို ပစ္စည်းခွဲဝေရာတွင် ငယ်လင်ငယ်မယားနှင့်မခြား သဘောထားရန် ဆုံးဖြတ်ခဲ့သည်။

မြန်မာ့ဓလေ့ထုံးတမ်းဥပဒေအရ လင်ခန်း၊မယားခန်း ပြတ်စဲရန် အဓိကအကြောင်းရင်း (၃) မျိုးရှိသည်။၎င်းတို့မှာ-

၁။ နှစ်ဦးသဘောတူကွာရှင်းခြင်း၊

၂။ လင်ဖြစ်သူရဟန်းပြုခြင်း နှင့်

၃။ အိမ်ထောင်ရေးပြစ်မှုကြောင့် ကွာရှင်းခြင်းတို့ပင် ဖြစ်သည်။

၁။နှစ်ဦးသဘောတူကွာရှင်းခြင်း

လင်နှင့်မယားတို့ နှစ်ဦးသဘောတူညီလျှင် အချိန်မရွေး ကွာရှင်းနိုင်သည်။နှစ်ဦးသဘောတူ ကွာရှင်း၍ လင်ခန်းမယားခန်းပြတ်ရန်အတွက် ပစ္စည်းခွဲဝေရာတွင် အိမ်ထောင်ရေးပြစ်မှုကြောင့် ကွာရှင်းရာတွင် အခြေပြုသည့် ပစ္စည်းခွဲဝေရေးကို အသုံးမပြုပဲ နှစ်ဦး သဘောတူ ကွာရှင်းရာတွင် အခြေပြုသည့် ပစ္စည်း ခွဲဝေနည်းအတိုင်းငယ်လင်ငယ်မယား သို့မဟုတ် အိမ်ထောင်ကြီးနှင့် အပျို၊ လူပျိုလင်မယားသည် နှစ်ဦးသဘောတူကွာရှင်းကြလျှင် နှစ်ပါးစုံ ပစ္စည်းကို အညီအမျှ ခွဲဝေယူကြရသည်။ပါရင်းနှင့် အမွေရ လက်ထက်ပွား ပစ္စည်းတွင်မူ နိဿယ(ထောက်ပံ့သူ) က သုံးပုံနှစ်ပုံနှင့် နိဿိတ (မှီခိုသူ)က သုံးပုံတစ်ပုံ ခွဲဝေ ရရှိသည်။

အိမ်ထောင်ကြီးများအချင်းချင်း နှစ်ဦးသဘောတူ ကွာရှင်းလျှင် အထက်ပါပစ္စည်းကို ပါလာသူကရသည်။ပါရင်းနှင့်အမွေရလက်ထက်ပွားတွင် နိဿယ က သုံးပုံနှစ်ပုံ၊ နိဿိတက သုံးပုံတစ်ပုံ ခွဲဝေရရှိသည်။ခန်းဝင်၊ နှစ်ပါးစုံနှင့် သာမာန်လက်ထက်ပွား ပစ္စည်းများတွင် အညီအမျှခွဲဝေရရှိကြသည်။

လင်မယားနှစ်ဦးနှင့် သက်ဆိုင်သည့် ကြွေးရှိလျှင် လည်း ရပိုင်ခွင့် အချိုးအစားအတိုင်း ပေးဆပ်ရမည် ဖြစ်သည်။

၂။ လင်ဖြစ်သူရဟန်းပြုခြင်း

လူတစ်ယောက် ရဟန်းပြုလျှင် ၎င်း၏မယားနှင့် လင်ခန်း မယားခန်း ပြတ်စဲသည်ဆိုသည့် အချက်မှာ ယခုအခါတွင် အတည်ဖြစ်နေသည့် ဥပဒေတစ်ရပ် ဖြစ်နေသော်လည်း ရှေးအခါက ဤပြဿနာနှင့် ပတ်သက်၍၁၈၉၇ ခုနှစ်တွင် ပေါ်ပေါက်ခဲ့သော “၂ယူဘီအာ၊၅၄၊မောင်ပွဲ နှင့် မောင်မြတ်သာ” အမှု၌ “လူတစ်ယောက် ရဟန်းပြုလျှင် လူအဖြစ်နှင့် ၎င်းပိုင်ဆိုင်ခဲ့သည့် ပစ္စည်းရပ်များ၌ ပိုင်ထိုက်ခွင့် တစ်စုံတစ်ရာ မရှိတော့ပေ” ဟူသော ဆုံးဖြတ်ချက် သည် စီရင်ထုံးများတွင် ထင်ရှားသော စီရင်ထုံးတစ်ခု ဖြစ်သည်။

၎င်းစီရင်ထုံးကဲ့သို့ပင် “မညွန့်စိန် နှင့် မောင်ချမ်းမြ ၊ ၁၁ အယ်ဘီအာ ၁၂၄” အမှုတွင်လည်း “လူတစ်ယောက် သည် ရဟန်းပြုလျှင် ရဟန်းမပြုမီက ဆွေခန်းမျိုးခန်း အဆက်အသွယ်များ လုံးဝ ပြတ်စဲသည်”ဟူ၍ စီရင် ထုံးဖွဲ့ထားသည်ကိုလည်း တွေ့ရှိရပါသည်။

ရဟန်းပြုသည်ဟု ဆိုရာ၌လည်း ရက်အပိုင်းအခြားမျှ ရဟန်းပြု​​ခြင်း ၊ဒုလ္လဘရဟန်း ပြုခြင်းမျိုးနှင့် မသက် ဆိုင်ပဲ လူ့လောကကိုစွန့်ခွာရန် ရည်ရွယ်ချက်ဖြင့် ၂၂၇ပါးသော သိက္ခာပုဒ်များကို ထိန်းသိမ်းကာ ဝိနည်းတော်နှင့်အညီ နေထိုင်လျှက်ရဟန်းပြုခြင်းကို ဆိုလိုသည်။

ထို့ကြောင့် လင်ယောက်ျားရဟန်းဘောင်သို့ ကူးပြောင်း သွားလျှင် လင်ခန်းမယားခန်း ပြတ်စဲရန်အတွက် လင်ရဟန်း ပြုပြီိးနောက် (၇)ရက်လွန်မှ နောက် အိမ်ထောင် ပြုနိုင် ကြောင်း မနုကျယ် ဓမ္မသတ် ပဉ္စမတွဲ အခန်း ၁၇၌ ဖော်ပြ ထားသည်ကို တွေ့ရသည်။

၃။ အိမ်ထောင်ရေးပြစ်မှုကြောင့် ကွာရှင်းခြင်း

အိမ်ထောင်ရေးပြစ်မှုတွင် “သာမန်အိမ်ထောင်ရေးပြစ်မှု” နှင့် “ကြီးလေးသောအိမ်ထောင်ရေးပြစ်မှု”ဟူ၍နှစ်မျိုး ရှိသည်။သာမန်အိမ်ထောင်ရေး ပြစ်မှုနှင့် ကြီးလေးသော အိမ်ထောင်ရေးပြစ်မှုဟူ၍ နှစ်မျိုးနှစ်စား ခွဲခြားရခြင်းမှာ လင်မယားကွာရှင်းလို၍ ပစ္စည်းခွဲလျှင် ကျူးလွန်သည့် ပြစ်မှုကို အခြေပြု၍ ခွဲဝေရသောကြောင့် ဖြစ်သည်။

သာမန်အိမ်ထောင်ရေးပြစ်မှုတွင်-

(က) ရက်စက်မှု

(ခ ) လင်၏ဖောက်ပြန်မှု

(ဂ ) ဒုတိယမယားယူမှု

(ဃ) စွန့်ပစ်မှု နှင့်

(င ) လီဆယ်မှု ဟူ၍ (၅)မျိုးရှိသည်။

ကြီးလေးသောအိမ်ထောင်ရေးပြစ်မှုတွင်-

(က) မယား၏ဖောက်ပြန်မှု

(ခ ) ကြီးလေးသောရက်စက်မှု ဟူ၍ နှစ်မျိုးနှစ်စား ရှိသည်။

ရက်စက်မှုဆိုသည်မှာ ကိုယ်ခန္ဓာသော်လည်းကောင်း ၊ကျန်းမာရေးသော်လည်းကောင်း ၊ အသက်ကိုသော် လည်းကောင်း အန္တရာယ်ဖြစ်စေလိမ့်မည်ဟု စိုးရိမ်မကင်း ဖြစ်စေမည့် ပြုမူချက်ကိုဆိုလိုသည်။ရက်စက်မှုသည် တကယ်တမ်း ဒဏ်ရာ အနာတရ ရအောင် ပြုမှုအပေါ်တွင်သာ တည်သည်မဟုတ်ချေ။ကျူးလွန်သူ၏ စိတ်နေသဘောထား ပေါ်၌လည်း တည်နေပေသည်။အနာတရ ဖြစ်စေသည့် လက်ရောက် ကျူးလွန်မှုများကို ဆက်တိုက် ကျူးလွန် နေပါက ထိုသူသည် ဒဏ်ရာများကို ၎င်းနှင့် မဆိုင် သလို အလျဉ်း ဂရုမပြုဘဲ နေသည်ဟု​ ကောက်ယူ ရပေမည်။သို့ရာတွင် လက်ရောက်မှုသည် တစ်ကြိမ် တစ်ခါ ကျုးလွန်သည့် ရက်စက်မှုဟု ယူဆပါက ကျုးလွန်သူ သည် ဒဏ်ရာများကို လျစ်လျူရှု့နေသည် သို့မဟုတ် ကျေနပ် နှစ်သက် နေသည်ဟု ယူဆရမည်။အသေးအဖွဲ ရန်ဖြစ်မှုများ သည် ရက်စက်မှုမမည်ပေ။လင်ဖြစ်သူ သည် မယားအား ရက်စက်မှု ကျုးလွန် လျှင် တစ်ကြိမ် တစ်ခါပင်ဖြစ်စေ၊မယားဖြစ်သူ၌ ကွာရှင်းခွင့် ရသည်။ထိုအမှု မျိုး၌ လင်မယား နှစ်ဦး သဘောတူ ကွာရှင်း သကဲ့သို့ ပစ္စည်းခွဲဝေကြရသည်။

လင်သည် မိမိဇနီးမဟုတ်သည့် မိန်းမတစ်ယောက်နှင့် ကာမဂုဏ် ကျုးလွန်မှုကို လင်၏ဖောက်ပြန်မှု ဟုခေါ်သည်။လင်ဖြစ်သူသည် ပထမ မယား၏ ခွင့်ပြုချက်မရဘဲ ဒုတိယ မယားယူလျှင် ပထမ မယား၌ ကွာရှင်းခွင့်ရသည်။လင်က မယားအား လည်းကောင်း ၊ မယားက လင်အား လည်း ကောင်း အချိန်ကာလ အပိုင်းအခြား အလျောက် အဆက် အသွယ်မပြုဘဲ စွန့်ပစ်ထားပြီး ထောက်ပံ့ခြင်း မပြုလျှင် သို့မဟုတ် တစ်စုံတစ်ရာ အဆက်အသွယ် မပြုရုံမျှဖြင့် ထိမ်းမြားခြင်းသည် မပျက်ပြယ်ပေ။

ထိုသို့သတ်မှတ်ထားသည့် အချိန်ကာလအတွင်း စွန့်ပစ်ခြင်း ခံရသူက ထိမ်းမြားမှုကို ပျက်ပြယ်လိုပါက ပျက်ပြယ်နိုင်ခွင့် ရနိုင်သော အခွင့်အရေးမျှသာရခြင်း ဖြစ်သည်။စွန့်ပစ်ခြင်း ခံရသူက လင်ခန်းမယားခန်း ပြတ်စဲလိုသော ရည်ရွယ်ချက် မရှိလျှင် သို့မဟုတ် စွန့်ပစ်ခြင်း ခံရသူက ကွာရှင်းလိုသော အပြုအမူကို ဖော်ပြခြင်းမရှိလျှင် လင်ခန်းမယားခန်း မပြတ်စဲပေ။

လီဆယ်မှုဆိုသည်မှာ သားကြီးမယားကြီး ရှိလျှက်နှင့် လူပျိုပါဟူ၍လည်းကောင်း ၊ ကွာရှင်းပြီးပြီဟူ၍ လည်းကောင်း အဖြစ်အပျက် အမှန်ကို ဖုံးကွယ်၍ လိမ်လည်ပြောဆိုပြီး ဒုတိယမယားယူလျှင် မယားဖြစ်သူ၌ ကွာရှင်းခွင့်ရသည်။

မယား၏ဖောက်ပြန်မှုဆိုသည်မှာ မိမိလင် မဟုတ်သည့် ယောက်ျားတစ်ယောက်နှင့် ကာမဂုဏ်ကျုးလွန်မှုကို မယား၏ဖောက်ပြန်မှုဟု ခေါ်ဆိုသည်။မယားသည် ထိုပြစ်မှုမျိုး ကျုးလွန်လျှင် လင်၌ ကွာရှင်းခွင့်ရှိသော်လည်း အကယ်၍ လင်ဖြစ်သူသည် မယား၏ ပြစ်မှုကို သိလျက်နှင့် မယားနှင့်အတူ အိပ်စက်လျှင် လင်သည် မယားအား ထိုအပြစ်မှ ခွင့်လွှတ်သည်ဟု ဥပဒေက လေးလေးနက်နက် မှတ်ယူသည်။မယားဖြစ်သူဖောက်ပြန်သည်ဆိုသော စွပ်စွဲချက်ကို လင်မယားကွာရှင်းမှု၌သာလျှင် စဉ်းစားနိုင်ပေသည်။မယားက ပစ္စည်းခန်းနှင့် ပတ်သက်၍ လင့်အပေါ် စွဲဆိုသော အမှုတွင် ရုံးက ထည့်သွင်း မစဉ်းစား နိုင်ချေ။

ကြီးလေးသောရက်စက်မှု ဟူသည် တစ်ကြိမ်တစ်ခါမျှ ရက်စက်မှုကို ကျုးလွန်​ပြီး ထိုသို့ကျုးလွန်သူသည် နောင်တရမည့်အစား ၎င်းကပင် ကွာရှင်းရန်လိုလားလျှင် သော်လည်းကောင်း ၊ ထိုသို့ကျူးလွန်ခြင်းမှာ တစ်ဖက်သား အား ကွာရှင်းခွင့်တောင်းဆိုစေရန် ရည်ရွယ်ချက်ဖြင့် ပြုလုပ်လျှင် သော်လည်းကောင်း ၊ ထိုသူကျုးလွန်ခဲ့သဖြင့် ရရှိသောဒဏ်ရာမှာ အပြင်းအထန်နာကျင်စေမှု ဖြစ်လျှင်သော် လည်းကောင်း၊ ရက်စက်မှုသည် ကြီးလေးလာပြီး ကြီးလေးသောရက်စက်မှု ဖြစ်လာသည်။ထိုသို့သော ကြီးလေးသည့်ရက်စက်မှုဖြင့် လင်မယား ကွာရှင်းရာတွင် ပြစ်မှုကျူးလွန်သူသည် ပါရင်းပစ္စည်း အပါအဝင် နှစ်ဦးပိုင်ပစ္စည်းရှိ ၎င်း၏အစုကိုပါ ဆုံးရှူံးခြင်း ခံရမည်ဖြစ်သည်။

အစ္စလာမ် တရားဥပဒေအရ အောက်ပါကွာရှင်းခြင်း အမျိုးအစားများကို တရားဝင် အသိအမှတ်ပြု လက်ခံထားသည်။၎င်းတို့မှာ-

၁။ လင်၏ဆန္ဒအရကွာရှင်းခြင်း။

၂။ လင်၏လွှဲအပ်မှုကြောင့် မယားကကွာရှင်းခြင်း။

၃။ နှစ်ဦးသဘောတူကွာရှင်းခြင်း။

၎။ တရားရုံး၏ အမိန့်၊ဒီကရီရယူကာကွာရှင်းခြင်း။

၅။ အစ္စလာမ်ကိုစွန့်လွှတ်သဖြင့် လင်ခန်းမယားခန်းပြတ်စဲ ခြင်းတို့ဖြစ်သည်။

မွတ်စလင်အမျိုးသားတစ်ယောက်သည် မိမိ၏ဇနီးကို တစ်စုံတစ်ရာအကြောင်းမပြပဲ အကြောင်းမဲ့ “တလာက်” ပေး ကွာရှင်းနိုင်သည်။ထိုအဏာအား မိမိ၏ဇနီးသို့ လွှဲအပ်ပြီးလည်း “တလာက်”ပေး ကွာရှင်းနိုင်သည်။

ခရစ်ယာန်များကွာရှင်းခြင်းနှင့် စပ်လျဉ်း၍ သက်ဆိုင်သော ဥပဒေမှာ မြန်မာနိုင်ငံ လင်မယားကွာရှင်းခြင်း အက်ဥပဒေ အရ ဖြစ်သည်။

၁၉၅၅ ခုနှစ် ဟိန္ဒူ ထိမ်းမြားခြင်းဥပဒေအရ ဟိန္ဒူဓလေ့ထုံးတမ်းတွင် မပါဝင်သော မယားဖြစ်သူ တွင် လုံလောက်သော အကြောင်းများရှိ လျှင် ကွာရှင်းနိုင်ခြင်း ၊ ခင်ပွန်းနှင့် ခွဲနေထိုင်ခြင်း စသည့်အခွင့်အရေးများ ရရှိလာသည်ကိုတွေ့ရှိ ရပါကြောင်း ဖတ်ရှူ့မိသမျှ ပြန်လည် မျှဝေလိုက် ပါသည်။

{လက်ထပ်ထိမ်းမြားခြင်း၊ကွာရှင်းခြင်းနှင့်ပစ္စည်းခွဲဝေခြင်းမှတ်စု(၃)}

Daw TinmoeKhaing(Pyay)

9.5.2020(Saturday) (9:55Pm)